Hiling ni Du30 5 buwan ektensyon ng Batas Militar

Limang buwang ekstensyon ang hiniling ni Pangulong Rodrigo Duterte sa Kongreso para sa pag-iral ng Batas Militar sa Mindanao, ayon kay Presidential Spokesman Ernesto Abella.

Ayon sa Balitang Ahensiya ng Ahlul-bayt (ABNA24) - Kamakalawa ng gabi ay pinulong ni Pangulong Duterte ang ilang kongresista at senador sa Malacañang kung saan ay inihayag nito ang paghingi niya ng extension sa pagpapatupad ng Proclamation 216 na nagsususpinde sa pag-iral ng privilege writ of habeas corpus.

Sa nasabing dinner sa Malacañang ay hiniling ni Pangulong Duterte sa mga mambabatas ang panibagong 60-days na ektensyon ng Batas Militar subalit sa ipinadalang liham nito sa Kongreso matapos ang dinner sa mga kongresista at senador ay 5 buwan na ang hinihingi nitong ekstensyon.

Isinumite na kay Pangulong Duterte noong Biyernes at Sabado ng Department of National Defense, Armed Forces of the Philippines at Philippine National Police ang kanilang rekomendasyon kung nararapat pang palawigin ang pag-iral ng ML.

Sa kanyang liham hiniling ni Digong ang pag-iral ng Martial Law sa buong Mindanao hanggang Disyembre 31, 2017. Ipinunto ni Pangulong Duterte na kailangan pa ang extension dahil hindi pa sapat ang itinakdang panahon sa naunang 60-days ML upang tuluyang masugpo ang rebelyon sa buong Mindanao